Гуманитарнай көмөлөөх өссө үс автофургон бу күннэргэ Саха сириттэн анал байыаннай дьайыы ыытыллар зонатыгар тиийдилэр. Бу туһунан нэдиэлэ аайы ыытыллар брифиҥҥэ өрөспүүбүлүкэ гражданскай оборонаҕа дьыалаларыгар уонна нэһилиэнньэ олоҕун-дьаһаҕын куттала суох буолуутун хааччыйыыга министирин солбуйааччы Яна Наумова иһитиннэрдэ.
Кини этэринэн, бу нэдиэлэҕэ Саха сирин территориальнай тирэх пуунугар ДНР-га анал автотехникаҕа саппаас чаастар туруоруллуохтара.
«Чугастааҕы күннэргэ Россия Сэбилэниилээх Күүстэрин подразделениеларын вездеходнай техникаларын тупсаҕай техническэй туругун тутуһарга инструменнары, тимири таҥастыыр оборудованиелары уонна тохтоло суох хааччыйар источниктары хааччыйыы күүтүллэр», – диэн миниистир солбуйааччыта чуолкайдаата.
Яна Наумова кулун тутар 11 күнүгэр Дьокуускайтан үс автотранспорт уонна гуманитарнай таһаҕастаах автофургону уочараттаах ыытыы былааннаммытын эттэ.
«Сыл саҕаланыаҕыттан Саха сириттэн АБДь ыытыллар зонатыгар барыта 15 рейс толорулунна. Өрөспүүбүлүкэ тэрилтэлэрэ уонна олохтоохторо хомуйбут аадырыстаах баһыылкаларын киллэрэн 32 техника уонна 113 туонна гуманитарнай көмө тиэрдилиннэ. Биһиги байыаннай сулууспалаахтарбытын өйүүр эбии дьаһаллар бастайааннай төрүккэ олоҕуран ыытылла тураллар», — диэн түмүктээтэ.
Санатан эттэххэ, анал байыаннай дьайыыны өйүүр үлэни “Кыайыыга Бииргэ!” диэн өрөспүүбүлүкэтээҕи хамыыһыйаны регион салайааччыта Айсен Николаев салайар. 2025 сылга сүүһүнэн транспорт, тыһыынчанан квадрокоптердар, генератордар, сибээс средстволара уонна да атын тэриллэр тиксэриллибиттэрэ.
