Москва уонна Санкт-Петербург госпиталларыгар билигин Саха сириттэн 30-тан тахса байыаннай сулууспалаах эмтэниини ааһар. Биир кэлим киин волонтёрдары үлэлэтэр, кинилэр бааһырбыт байыастарга шефство олохтууллар, суруйар СИА-ҕа регион сүрүн пресс-сулууспата.
«Москваҕа 16 бааһырбыт байыас, Санкт-Петербурга 15 байыас эмтэниини ааһар. Маны сэргэ Ростовка уонна Краснодарскай кыраай куораттарыгар бааллар. Барыларын кытта тэҥҥэ үлэлиибит. Хас биирдии бааһырбыт байыаска волонтер көмөлөһөр. Кинилэр бастакы өйөбүлү оҥороллор, тэҥҥэ сылдьаллар», – диэтэ брифиҥҥэ киин салайааччыта, РФ президенигэр Саха сирин бэрэстэбиитэлэ Андрей Федотов.
Кини Саха сириттэн быраастар бөлөхтөрүн үлэтин сыаналаата, билигин быраастар Москва госпиталларыгар консультациялары ыыталлар.
This post was published on 17.11.2022 18:19 18:19