Федеральнай антимонопольнай сулууспа Саха сиринээҕи управлениета киин аппарат сорудаҕынан өрөспүүбүлүкэҕэ бурдук уонна оруос-сэлиэһинэй бурдуктан оҥоһуллубут килиэп уонна бурдук оҥоһуктарыгар кууһунан сыана олохсуйуутун бэрэбиэркэлиэҕэ.
«Бурдук аһы оҥорооччулар да, кинилэр атыы-эргиэн тэрилтэлэрин да 2025 сыллааҕы үп-экэниэмикэ көрдөрүүлэрэ ырытыллыахтаах. Төрүөттэр баар буоллахтарына, биэдэмистибэ монополияны утары эппиэттиир дьаһаллары ылыаҕа», — диэн регионнааҕы управление иһитиннэриитигэр этиллэр.
Урут кууһунан сыана үрдээһинин олунньу 5 күнүттэн Саха сирин килиэбин комбината биллэрбит. Бурдук ас сыаната категорияларыттан көрөн 4% — тан 7% — ҥа диэри үрдүөҕэ диэн хампаанньа этэр, ороскуота үрдээбит быһаарыыны олохсутан биэрдилэр.
