Балаҕан ыйын 1 күнүттэн устудьуоннар хат буолууларынан уонна төрүүллэринэн босуобуйаларын кээмэйэ регионнааҕы олох алын кээмэйин 100% — ҥа тиийэ улаатыаҕа. Төлөбүрү биэрии бэрээдэгин РФ Социальнай фондатын Саха сиринээҕи салаатыгар быһаардылар.
Босуобуйа үрдүк үөрэхтэри, колледжтары, училищелары, техникумнары, эбии профессиональнай үөрэхтээһин тэрилтэлэрин уонна научнай тэрилтэлэри хабан туран, бюджет эбэтэр төлөбүрдээх төрүккэ үөрэнэллэриттэн тутулуга суох күнүскү үөрэх устудьуоннарыгар ананыахтара.
Сайабылыанньаны онлайн, ону тэҥэ СФР клиент сулууспатыгар биэриэххэ сөп. Докумуону толорорго медицинскэй тэрилтэттэн үлэлиир кыаҕа суоҕун туоһулуур лииһин уонна төрүөҕүнэн уоппуска болдьоҕун ыйан туран, үөрэх тэрилтэтиттэн истэн үөрэнэр туһунан ыспыраапканы биэриэххэ наада.
Билигин устудьуоннарга хат буолуунан уонна төрөөһүнүнэн босуобуйалар стипендия кээмэйинэн олохтоноллор. Эбиллибит төлөбүрдэр «Дьиэ кэргэн» президент национальнай бырайыагынан эдэр ыаллары өйөөһүн чэрчитинэн киллэриллэр.
Санатан эттэххэ, тустаах сокуоҥҥа РФ президенэ Владимир Путин от ыйын 23 күнүгэр илии баттаата. Босуобуйа орто кээмэйэ 90 202 солк.тэҥнэһиэ.
This post was published on 29.08.2025 17:15 17:15