«Starbooks» кинигэ маҕаһыына «МИФ» Москва литературнай кыһатын бириэмийэтигэр бэлиэтэннэ. Дьокуускай маҕаһыына «Любимый офлайн-книжный» номинацияҕа бастыҥнар кэккэлэригэр киирсиэҕэ.
Номинацияҕа Арассыыйа араас куораттарыттан барыта 10 кинигэ маҕаһыына бэлиэтэннэ, ол иһигэр Москва, Санкт- Петербург, Новосибирскай уо. д. а. Кыайыылааҕы «МИФ» кыһа саайтыгар куоластааһын быһаарыаҕа, куоластааһыҥҥа ханнык баҕарар киһи регистрацията суох кыттыан сөп.
«Starbooks» маҕаһыын хамаандата этэринэн, бу иннинэ кинилэри дойду таһымыгар бастыҥ маҕаһыын быһыытынан бэлиэтээн тураллар. Маҕаһыыны 2018 сыллаахха Айсен Сыроватскай арыйбыта, билигин Дьокуускайга икки филиал үлэлиир.
This post was published on 02.06.2023 15:05 15:05