Сергей Зверев-Кыыл Уола аатынан Саха сиринээҕи үҥкүү национальнай театрын балетын артыыстара бүгүн, ахсынньы 12 күнүгэр, Кыргызстааҥҥа Российскай Федерация Күннэригэр анаммыт гала-кэнсиэргэ кыттар.
Үҥкүү театра М. Пятницкай аатынан нуучча норуотун государственнай академическай хорун, Н.С. Надеждина аатынан «Березка» государственнай академическай хореографическай ансаамбылы, Адыгея «Исламей» норуот ырыатын уонна үҥкүүтүн государственнай ансаамбылын кытта биир сыанаҕа тахсыаҕа.
Ахсынньы 11 күнүгэр Бишкекка култуура миниистирэ Юрий Куприянов, балет артыыстара уонна үҥкүү театрын художественнай салайааччыта Светлана Бессонова Кыргызстаан официальнай сирэйдэрин кытта Максим Кирович Аммосов пааматынньыгар сибэкки уурдулар.
Ааптар: Вера Черноградская
This post was published on 12.12.2022 11:01 11:01