29 Кулун тутар 29.03
  • -15°
  • $ 92,37
  • 99,53

Саха сиринээҕи быыһыыр сулууспа үлэһиттэрэ Чурапчыга халаан уутун кэмигэр үлэлии таҕыстылар

Читайте нас на
Яндекс Новости
ЯДВ

Ыам ыйын 9 күнүгэр Саха сирин үтүөлээх быыһааччыта Василий Тарскай салайааччылаах Арассыыйа ЫБМ Саха сиринээҕи оперативнай бөлөҕүн быыһыыр сулууспата Чурапчы улууһугар үлэлии таҕыстылар диэн, быыһыыр сулууспа СИА-ҕа иһитиннэрэр.

«Оперативнай бөлөх үлэтин сүрүн сыала-соруга — халаан уутун содулларын туоратыыга бастакы уочараттаах дьаһаллары толоруу, Чурапчы уонна Таатта оройуоннарын сиригэр-уотугар сааскы халаан куттала суох буолуутун хааччыйыы», — диэн Василий Тарскай бэлиэтээтэ.

Бу иннинэ өссө биир оперативнай бөлөх Саха сирин быыһыыр сулууспатын быыһааччыларын кытары Алдан оройуонугар тахсыбыта. Халаан уутун содулун туоратыыга уонна өрөспүүбүлүкэ өрүстэригэр гидрологическай быһыы-майгы куттала суох буолуутун хааччыйар дьаһаллары хонтуруоллуур сыалтан Ленскэй, Өлүөхүмэ, Амма, Алдан оройуоннарыгар оперативнай бөлөхтөр салгыы үлэлииллэр.

Ленскэй, Алдан, Дьааҥы, Нерюнгри, Бүлүү, Ньурба, Чурапчы, Таатта, Сунтаар, Орто Халыма оройуоннарыгар уонна Дьокуускай куоракка толору бэлэмнээх, Саха сирин быыһыыр сулууспатын көрдүүр-быыһыыр этэрээтин личнэй састааба баар.

Саха сирин сиригэр-уотугар гидрологическай быһыы-майгы сылыктааһын быһыытынан сайдар, критическэй таһымынан уу ханна да бэлиэтэнэ илик.

Следите за самым важным и интересным в Telegram-канале и WhatsApp-группе ЯСИА