13 От ыйа 13.07
  • 17°
  • $ 87,74
  • 95,76

Саха сирин ыччата САССР 100 сылыгар араас бырайыагы олоххо киллэриэҕэ

11:01, 24 февраля 2022
Текст:
Читайте нас на
Яндекс Новости
ЯДВ

Саха сиринээҕи ыччат бырабыыталыстыбатын чилиэннэрэ Саха АССР 100 сылыгар бырайыактары оҥорорго этии киллэрдэ. Кинилэр 2022 сылга культура, спорт, үөрэх, тыа хаһаайыстыбатын, туризм эйгэтигэр, талааннаах айар ыччаты, эдэр ыаллары өйөбүлгэ дьаһаллары ылыахтара, СИА-ҕа өрөспүүбүлүкэ сүрүн пресс-сулууспата суруйда. 

Биир бырайыагынан  – «Билеты Якутии» куонкурус буолар, манна авиабилиэт национальнай тутуллаах дизайнын көрүү буолуоҕа.

Күрэхтэһии сыһыаннаах министиэристибэлэр  уонна тэрилтэлэр өйөбүллэринэн ыытыллар. Бастыҥ дизайны «Аэропорты Севера» авиабилиэттэригэр сыһыарыахтара, маны сэргэ филармония уонна тыйаатырдар билиэттэригэр.

«Куонкурсу тохсунньуга биллэрбиппит. Олунньу 26 күнүгэр диэри сайаапкалары тутабыт. Күрэхтэһиигэ 16 — 35 саастаахтар кытталлар. Государственнай деятеллэр, историческай событиелар, Саха сирин айылҕатын көрдөрбүт дизайннаах үлэлэр киирэллэр. Тырааныспар, ыччат министиэристибэлэрэ уонна тэрийиигэ кыттыгастаах тэрилтэлэр сыаналыахтара», – диэтэ ыччат бырабыыталыстыбатын бэрэссэдээтэлэ Пётр Бурнашев.

Бырыйыактарга эдэр учууталларга уонна педагогтарга анаммыт грантовай куонкурус, Google Картаҕа нэһилиэктэр уулуссаларын панораматын оҥоруу, «Саха сирэ-2122» тосхолго анаммыт ыччат форума киирэллэр.

Сиһилии https://ysia.ru/molodyozh-yakutii-planiruet-realizovat-bolee-20-proektov-k-100-letiyu-yaassr/

Следите за самым важным и интересным в Telegram-канале и WhatsApp-группе ЯСИА