Регион Тырааныспарка министиэристибэтэ иһитиннэрбитинэн, олунньу ыйтан муус устарга диэри федеральнай аартыктарга пассажирдары тиэйиигэ 7 киһи суорума суолламмыт уонна 14 киһи эчэйбит. Силиэстийэлээччилэр таһыынан дьарыктанааччылар көҥүлэ суохтарын, биитэр массыынаҕа тахограф суоҕун бэлиэтээбиттэр.
“Саха сиригэр суол саахалын таһаарбат туһуттан тахографическай хонтуруолу олохтооһуну күүһүрдүөххэ”, — диэтэ миниистир Семен Винокуров.
«Министиэристибэҕэ оройуоннар икки ардыларыгар сылдьар таксиларга саахал тахсыытын кэтээн көрүүгэ Тырааныспар эйгэтигэр кэтээн көрүүгэ федеральнай сулууспа Хотугулуу-Илиҥҥи Регионнар икки ардыларынааҕы управлениетын иниспиэктэрдэрэ аҕыйахтар. Холобур, Дьокуускайга массыына тырааныспарын кэтээн көрөр отделга -7, Бүлүүгэ уонна Ленскэйгэ биирдии эрэ киһи үлэлиир.”Өрөспүүбүлүкэҕэ хонтуруоллуур-кэтээн көрөр үлэни тэрийиэххэ, тиэйээччилэр эппиэтинэстэрин үрдэтиээхэ”, — диэн бэлиэтээтэ Семен Винокуров.
2017 сылга автоматическай хонтуруоллааһын тиһигэ киирэн, массыына суолларыгар бэрээдэгэ суох суоппардарга 92,8 мөл солкуобай ыстараап түстэ.
СИА.
This post was published on 23.04.2018 15:29 15:29