Ахсыньыттан дьон сөбүлүүр испэктээктэрин, Саҥа дьыллааҕы тэрээһиннэри тыйаатырдарга көрөр кыахтанна. Бу туһунан сүбэлэри култуура министиэристибэтэ тустаахтарга ыытта. Ити эрээри быһаарыыны тэрилтэлэр дириэктэрдэрэ ылыналлар.
Култуура министиэристибэтэ «Роспотребнадзор» ирдэбиллэрин тутуһууга тэрилтэлэрин бэрэбиэркэлээтэ. Илии дезинфектордара туруоруллубуттар, температура кээмэйдиир оборудование баар, биирдэ кэтиллэр бэрчээки, мааска ылыллыбыт, билиэттэри алтыһыыта суох атыылаһыахха сөп, социальнай арыты тутуһуу бэлиэтэ ойууламмыт, көрөөччү саалатыгар уонна фойеҕа рециркулятордар ууруллубуттар. Онон тыйаатырдар көрөөччүнү көрсүүгэ бэлэмнэр.
Саалалар туолуулара аҥарынан эрэ буолуоҕа.
Нерюнгритааҕы куукула тыйаатыра, Дьокуускайга эстрада тыйаатыра үлэлэрин саҕалаатылар. Ахсынньы 18 күнүгэр премьераны көрдөрүүгэ аҕыйах ахсааннаах хотугу норуоттар тыйаатырдара бэлэмнэнэр, ахсынньы 24 — 26 күннэригэр — П.А. Ойуунускай аатынан Саха тыйаатыра, оттон 25 — 26 чыыһылалларга — А.С. Пушкин аатынан нуучча тыйаатыра ааннарын арыйыахтара, култуура пресс-сулууспата иһитиннэрэр.
This post was published on 08.12.2020 18:01 18:01