Саха сирин бырабыыталыстыбатын бэрэссэдээтэлин бастакы солбуйааччы Алексей Колодезников ыыппыт мунньаҕар ыччат миниистирэ Иван Луцкан 2018 сылга устудьуоннар этэрээттэрин үлэтин тэрийиигэ олохтоох бүддьүөккэ өрөспүүбүлүкэ бүддьүөтүттэн субсидияны биэриигэ кыттааччылар сайабылыанньаларын тута туралларын эттэ.
Өрөспүүбүлүкэ 86 муниципальнай тэриллиититтэн сайаапка киирбит. Куонкурус түмүгэр 8 оройуонтан 21 муниципальнай тэриллии субсидия ылар буолла, итиннэ 416 байыас киирэр.
“Устудьуоннар этэрээттэрэ муниципальнай тэриллиилэргэ 30 күн устата үлэлиэхтэрэ”, — диэтэ Иван Луцкан.
СИА.
Мария Васильева, Андрей Сорокин хаартыскалара.
This post was published on 29.05.2018 18:05 18:05