Уһук Илиҥҥэ бастыыр иһин күрэхтэһии кулун тутар 13–17 күннэригэр Приморскай кыраайга ыытылынна. Саха сирин тустууктара хамаанда старшай тренердэрэ Вячеслав Данилов (көҥүл тустуу) уонна Анжелика Парникова (дьахтар тустуута) салайыыларынан кытыннылар.
«Хамаандабыт элбэх путевка тутта, ити эрээри мэтээл хаачыстыбатынан көрдөрүүгэ түһүүлэр бааллар, ааспыт сыллары кытта тэҥнээтэххэ. Россияҕа бастыыр иһин киирсиигэ бэлэмнэниэхпит, Красноярскайга ыам ыйын 1 — 5 күннэригэр буолар, уолаттарга 22 путёвкалаахпыт», — диэтэ ЯСИА-ҕа Данилов.
Кыһыл көмүс мэтээли хамаандаҕа аҕалла Вячеслав Лаптев, 44 кг диэри. Бу ыйааһыҥҥа сахалар күннээтилэр, пьедесталга иккис миэстэҕэ турда Артём Новиков, боруонсаҕа Андрей Макеев уонна Николай Платонов.
Үрүҥ көмүһү Артур Яковлев (41 кг), Данил Сивцев (57 кг), Саян Федоров (62 кг), Айаар Михайлов (100 кг) уонна Милена Гаврилова (46 кг).
Боруонсаны Мирон Протопопов (41 кг), Михаил Ващенко (41 кг), Данил Васильев (52 кг), Уйусхан Васильев (52 кг), Роман Постников (68 кг), Эрсан Федоров (85 кг), Юрий Николаев (100 кг), Сара Заболоцкая (46 кг), Селена Николаева (50 кг) уонна Варвара Константинова (70 кг).
This post was published on 17.03.2025 15:19 15:19