Саха сирин бөҕөстөрө Бурятияҕа «Baikal open» норуоттар ардыларынааҕы турнирга биэс мэтээли ыллылар. Кыайыылаах аатын Константин Капрынов сурунна, суруйар СИА.
Константин Капрынов 70 кг диэри туһунна, Бурятияттан биллиилээх тустуугу Евгений Жербааевы, Туваттан Сайын Казырыгы, Кемеровоттан Кирилл Корнеевы кыайталаата. Бүтэһик утарсааччытын 9:4 ахсаанынан баһыйда уонна кыһыл көмүс мэтээли иилиннэ.
Боруонса мэтээллэри Арыйан Тютрин (57 кг), Ньургун Скрябин (65 кг), Албан Аввакумов (74 кг) уонна Роман Николаев (79 кг) ыллылар.
Күрэхтэһиигэ барыта 228 спортсмен 14 дойдуттан кытынна.
