Курдааһын чааһын уратытын учуоттаан, Дьокуускай бириэмэтинэн сарсыарда 6 чааска, өрөспүүбүлүкэҕэ бастакы быыбардыыр учаастактар Абый, Аллайыаха, Үөһээ Халыма, Муома, Аллара Халыма уонна Орто Халыма улуустарыгар арылыннылар.
Чаас хойутаан, Дьааҥыга, Өймөкөөҥҥө, Усуйаанаҕа учаастактар үлэлэрэ саҕаланна.
8:00 чааск, Дьокуускай бириэмэтинэн, атын быыбардыыр учаастактар бары ааннарын тэлэччи арыйыахтара.
Россия президенин быыбарыгар, кулун тутар 15, 16, 17 күннэригэр, Саха сирин олохтоохторо 811 быыбардыыр учаастакка тиийэн куоластарын биэриэхтэрэ.
This post was published on 15.03.2024 07:29 07:29