От ыйын 25-29 күннэригэр Казань куоракка аан бастакытын анал байыаннай дьайыы кыттыылаахтарын икки ардыларыгар «Абилимпикс» идэҕэ мастарыстыба чемпионата буолуоҕа. Саха сирин чиэһин Дмитрий Килигин көмүскүөҕэ. Кини «Ремонт и обслуживание автомобилей» компетенцияҕа кыттыаҕа, диэн НВК Саха телеграм-ханаала суруйар.
Дмитрий сулууспатын кэнниттэн «Аҕа дойдуну көмүскээччилэр» пуонда көмөтүнэн «Сахаэнерго» акционернай уопсастыбаҕа үлэҕэ киирбитэ.
Чемпионакка бэлэмнэнии В.М.Членов аатынан Дьокуускайдааҕы индустриальнай-педагогическай колледж баазатыгар ааһар. Бэтэрээн уопуттаах настаабынньык салайыытынан эрчиллэр.
«Бу мин саҥа сыалым — эчэйии да кэнниттэн ситиһиилэниэххэ сөбүн дакаастыыр кыах», — диэн Дмитрий Килигин эттэ.
Күрэхтэһиилэр национальнай чемпионакка сүүмэрдиир түһүмэх буолуохтара. Манна Россия араас регионнарыттан бастыҥ бэрэстэбиитэллэри талыахтара. Кыттыылаахтар аныгы үлэ ырыынагын 15 клмпетенциятыгар күрэхтэһиэхтэрэ. Ол курдук, бырамыысалыннас технологиятыгар, тутууга, тутууну туһаныыга-эргиниигэ, аэронавигацияҕа уонна да атын хайысхаларга.
This post was published on 01.07.2025 12:57 12:57