Саха сирин судаарыстыбыннай уонна сүрүн тылларын харыстыырга уонна сайыннарар бырагырааманы үбүлээһин 2024 сылга 101 мөл. солк. буолуоҕа. Бу туһунан өрөспүүбүлүкэ бырабыыталыстыбатын бэрэссэдээтэлин солбуйааччы Сергей Местников иһитиннэрдэ, диэн регион баһылыгын уонна бырабыыталыстыбатын пресс-сулууспата иһитиннэрдэ.
Бу бырагыраама өрөспүүбүлүкэ бары судаарыстыбыннай уонна сүрүн тылларын хабыаҕа, онон 2023 сыл бүтүөр диэри былааннаммыт дьаһаллары, көрдөрүүлэри толоруу күүтүллэр.
«Төрөөбүт тылы харыстааһын уонна сайыннарыы судаарыстыбыннай бырагыраамата үһүс сылын үлэлиир. Эрдэ өйөбүл миэрэтин учебниктары таһаарыыга эрэ көрөллөр этэ 50 мөл. солк. сууманы, билигин маны тэҥэ, 50 араас бырайыагы олоххо киллэрэбит», — диэтэ Сергей Местников.
This post was published on 15.11.2023 12:03 12:03