20 От ыйа 20.07
  • 22°
  • $ 88,02
  • 96,04

Саха сирин судаарыстыбаннаһын олохтонуутун историктар, кыраайы үөрэтээччилэр дьүүллэһиэхтэрэ

Фото: Мария Васильева / ЯСИА
Читайте нас на
Яндекс Новости
ЯДВ

Муус устар 1 — 2 күннэригэр «Россия – моя история» история пааркатыгар историктар уонна кыраайы үөрэтээччилэр II өрөспүүбүлүкэтээҕи научнай-практическай конференциялара буолар. «Исторический процесс становления государственности Якутии: 1922-1941 гг.» тиэмэлээх тэрээһин элбэх киһи интэриэһи үөскэтиэҕэ.

Конференция чэрчитинэн пленарнай уонна секцияларынан мунньахтар буолуохтара, национальнай-судаарыстыбаннай тутуу, социальнай-экономическай сайдыы, үөрэх, култуура уонна общественнай-политическай олох туһунан дьүүллэһиэхтэрэ.

Мунньахха сокуону таһаарар уонна толоруулаах былаас уоргаттарын, олохтоох салайыныы, уопсастыбаннай тэрилтэлэр, бибилэтиэкэлэр,  музейдар бэрэстэбиитэллэрэ, наука сотрудниктара, аспираннар, үрдүк уонна орто үөрэх преподавателлэрэ, история учууталлар, архивистар, кыраайы үөрэтээччилэр, устудьуоннар, 9-11 кылаас үөрэнээччилэрэ ыҥырыллаллар.

Конференция түмүгүнэн бастыҥ үлэлэр хомуурунньуктарын таһаарар былааннаахтар. Тэрийээччилэри кытта WhatsApp нүөмэринэн билсиҥ: +7(914)-274-15-69, +7(914)-223-34-27.

Следите за самым важным и интересным в Telegram-канале и WhatsApp-группе ЯСИА