Саха сирин биллэр спортсменнара «Үлэҕэ уонна оборуонаҕа бэлэммин!» физкультурнай-спортивнай комплекс кыһыл көмүс бэлиэлэрин кэттилэр. Кинилэр ортолоругар Надежда Гоголева, Сардана Осипова, Марина Федоренко бааллар. Үөрүүлээх дьаһалга учуутал, устудьуон, биэнсийэлээх уонна араас эйгэ үлэһиттэрэ эҕэрдэлэри туттулар, суруйар СИА.
Саха сиригэр ГТО-ҕа ситиһиилээхтэри эҕэрдэлээһин «Туймаада» стадиоҥҥа буолла.
Кыһыл көмүс бэлиэнэн чэпчэки атлетикаҕа норуоттар икки ардыларынааҕы кылаастаах спорт маастара, Россия икки төгүллээх чемпионката Надежда Гоголева, мас-рестлиҥҥэ РФ спордун маастара, армлифтиҥҥа норуоттар икки ардыларынааҕы кылаастаах спорт маастара, мас-рестлиҥҥа аан дойду Кубогын хаһаайына Сардана Осипова, Россия спордун маастара, мас-рестлиҥҥа аан дойдуга икки төгүллээх кыайыылааҕа Марина Федоренко, многоборец, Манчаары оонньууларын призера уонна мас-рестлиҥҥа Россия чемпиона Артем Ветров, национальнай ыстаныыларга Саха сирин спордун маастара Сайаана Уваровская бэлиэтэннилэр.
Россия спордун миниистирэ Олег Матыцин бирикээһинэн ГТО кыһыл көмүс бэлиэтин кэттилэр уу уонна тимир суол транспорын департаменын салайааччыта Семен Коркин, Дьокуускай куорат 6-с №-дээх оскуолатын начаалынай кылааһын учуутала Айталина Павлова, биэнсийэлээх Геннадий Соловьев, устудьуоннар Николай Копырин, Марина Седалищева.
Хаартыска: Сандал Никаноров
This post was published on 23.12.2021 17:03 17:03