Саха сирин уонна Россия сүүмэрдэммит хамаандатын чэпчэки атлета Айаал Сивцев балаҕан ыйын 30 күнүгэр паралимпиецтар ортолоругар чэпчэки атлетикаҕа аан дойду чемпионатыгар ситиһиилээхтик кыттан, боруонса мэтээл ылла. Бу туһунан өрөспүүбүлүкэтээҕи сүүмэрдэммит хамаандалар спортивнай бэлэмнэниилэрин киинигэр иһитиннэрдилэр, диэн ЯСИА суруйар.
Саха сирин спортсмена дойдуну ядро анньыыга көрдөрдө. Бу дьиссипилиинэҕэ уопсайа араас дойдулартан 11 спортсмен кытынна.
Бүтэһик түһүмэххэ Айаал Сивцев снаряды 11 миэтэрэ 95 сантиметр ыраах бырахта. Онон үһүс миэстэни ылар кыахтанна. Аан дойду чемпионатын бу мэтээлэ Саха сирин историятыгар бастакы мэтээл буолла.
Узбекистантан Бобиржон Омонов иккис миэстэни (12 миэтэрэ 36 сантиметр) ылла, Германияттан Нико Каппел (13 миэтэрэ 34 сантиметр) кыайыылааҕынан таҕыста.
Салгыы алтынньы 5 күнүгэр Айаал Сивцев үҥүүнү быраҕыыга күрэхтэһиигэ кыттыаҕа.
