Дьокуускай аэропордугар Саха сирин физическэй култуураҕа уонна спорка миниистирэ Леонид Спиридонов быстах байыаннай хомууртан кэлбит икки буойуну көрүстэ, диэн биэдэмистибэ пресс-сулууспата иһитиннэрдэ.
Миниистир саллааттары хорсун быһыыларын иһин махтанна уонна регион былааһын аатыттан саха быһаҕын туттарда.
Ол курдук, байыаннай хомуурга кыттыбыт дьон дьиэ кэргэттэрэ оҕо саадын төлөбүрүттэн босхолоноллор, оскуолаларга босхо аһылыгынан хааччыллаллар уонна сайыҥҥы лааҕырдарга сынньаналларыгар босхо путевка бэриллэр, оттон устудьуоннарга үрдүк стипендия төлөнөр. Ону сэргэ, байыаннай хомууртан төннүбүт саха дьонугар анал стипендияны аныыр туһунан этиини эмиэ көрөллөр.
