Ититэр ситимҥэ туттуллар уматыгы тиэйии-таһыы Булуҥ, Үөһээ Бүлүү, Эдьигээн, Өлүөхүмэ, Уус Алдан уонна Хаҥалас филиалларыгар түмүктэннэ. Бу уонна да атын тыын суолталаах боппуруостары муус устар 1 күнүгэр ОДьКХ сүрүн тэрилтэтин генеральнай дириэктэрэ Виталий Чикачев мунньаҕар дьүүллэстилэр. Ол туһунан тэрилтэ пресс-сулууспата суруйда.
Филиаллар дириэктэрдэрэ уматыгы улуус иһигэр тиэйии-таһыы, миэстэтигэр төһө уматык баарын, техника үлэтин, ГСМ пааркатыгар баар емкостар, уматык ресурсаларын харайар ыскылааттар тустарынан кэпсээтилэр.
Бу нэдиэлэҕэ чох уонна убаҕас уматык Муома уонна Кэбээйи улуустарыгар тириэрдиллэр.
«Оһуобай хонтуруолга суола-ииһэ мөлтөх сирдэр тутуллаллар, Дьааҥы, Орто Халыма, Томпо оройуоттарын нэһилиэнньэлээх пууннарыгар. Бүлүү бөлөх уонна киин улуустарга муус устар ый ортотугар диэри үлэ түмүктэниэхтээх. Ыарахаттар баалларын үрдүнэн, тиэйии-таһыы үлэтэ былаан быһыытынан баран иһэр», — диэтэ Виталий Чикачев.
This post was published on 02.04.2025 13:03 13:03