Чэппиэргэ Саха сирин кэккэ оройуоннарыгар ардахтыаҕа, ону тэҥэ түүнүн тоҥоруоҕа.
Саха сиринээҕи УГМС иһитиннэрэринэн, бэс ыйын 8 күнүгэр Уус Маайа оройуонугар этиҥнээх ардах күүтүллэр, сөкүүндэҕэ 15-20 миэтэрэ тиийэр тыалырыаҕа. Ону тэҥэ, кыра этиҥнээх ардах өрөспүүбүлүкэ соҕуруу, хотугулуу-арҕаа, хотугулуу-илин өттүгэр түһүөҕэ. Хотугулуу-арҕаа уонна хотугулуу-илин диэки түүнүн -2 кыраадыска тиийэ тымныйыаҕа, тоҥоруу түһүөҕэ.
Киин оройуоннарга салгын температурата +20 +25 кыраадыс буолара күүтүллэр. Дьокуускайга сөҥүү түһэрэ күүтүллүбэт. Күнүһүн +22 +24 итии буолуоҕа.
This post was published on 07.06.2023 17:05 17:05