Бэнидиэнньиккэ Саха сирин саҥа баһылыгын эбээһинэһин быстах кэмҥэ толорооччунан анаммыт Айсен Николаевы саҥа дуоһунаһыгар билиһиннэриэхтэрин сөп диэн СИА-ҕа кини пресс-сэкирэтээрэ Галина Мозолевская эттэ.
Арассыыйа бэрэсидьиэнэ Владимир Путин бэнидиэнньиккэ өрөспүүбүлүкэ баһылыга Егор Борисов болдьоҕун иннинэ үлэтиттэн тохтуурун туһунан көрдөһүүтүн ылыммыта уонна Дьокуускай баһылыга Айсен Николаевы быстах кэмҥэ эбээһинэһи толорооччунан анаабыта.
“Биһиги сэрэдэҕэ хайы-үйэ биир идэлээхтэрбитин кытта бырабыыталыстыбаҕа уонна Ил Дархан уонна бырабыыталыстыба дьаһалтатыгар көрсүһүөхпүт. Ол кэнниттэн кэккэ сүбэ мунньахтары былаанныыбыт”, — диэтэ ТАСС-ка Николаев.
СИА.
This post was published on 29.05.2018 15:27 15:27