Хаартыска: Дьулустаан Сергеев/ ЯСИА
«Спартакиады бары муниципальнай оройуону уонна бары үөрэх тэрилтэтин хапта. 76 тыһыынчаттан тахса оҕо кыттыыны ылла. Бу саамай маассабай тэрээһин. Спартакиада тохтуу сылдьан баран, үс сыллааҕыта Ил Дархан Айсен Николаев көҕүлээһининэн салҕаммыта. Сөптөөх быһаарыы буолара көһүннэ. Эдэр спортсменнар маастарыстыбаларын таһыма үрдүүр», — диэтэ вице-премьер Сергей Местников.
Хаартыска: Дьулустаан Сергеев/ ЯСИА
Сергей Местников оҕо спордун бастыҥ тренердэригэр 100-түү тыһ солк бириэмийэ туттарда: Надежда Батьянова (бадминтон), Руслан Проскурин (баскетбол), Дмитрий Поварич (дзюдо), Алексей Бехтюев (дрон көтүтүү), Алексан Иванов (кикбоксинг), Петр Тайшин (хайыһар), Олег Марченко (мини-футбол), Светлана Колосова (ГТО), Надежда Белолюбская (хабылык уонна хаамыска), Аксана Савельева (остуол тенниһа), Раиса Григорьева (хотугу многоборье), Оксана Васильева (спортивнай ориентирование), Татьяна Крылова (ШСК оонньуулара), Туйаара Ларионова (фитнес-аэробика), Михаил Иванов (хапсаҕай), Василий Оленов (чэпчэки атлетика), Василий Шестаков (бокс), Лия Сидорова, Егор Матвеев (волейбол), Николай Яковлев (көҥүл тустуу), Петр Нечаев (чэпчэки атлетика), Владимир Трофимов (мас-рестлинг), Нюргустана Сидорова (оҕунан ытыы), Вячеслав Гаврильев (саахымат), Кирилл Павлов (греко-римскай тустуу) уонна Василий Прокопьев (дуобат).
Хамаанданан түмүккэ бастакы бөлөххө Дьокуускай бастаата, иккис Мэҥэ Хаҥалас, үһүс Хаҥалас.
Иккис бөлөххө Чурапчы кыайда, иккискэ Үөһээ Бүлүү, үһүскэ Горнай.
Үһүс бөлөххө Кэбээйи бастаата, салгыы Томпо уонна Өймөкөөн.
Арктикаларга Өлөөн кыайда, иккис Анаабыр, үһүс Эдьигээн.
