«ОДьКХ СӨ» СУТ кыһыҥҥы суолларынан уматыгы филиалларын хочуолунайдарыгар тириэртилэр. Тиэйии-таһыы үлэтэ түмүктэннэ. Уопсайа 554 тыһыынча туонна тириэрдилиннэ. Ааспыт сылы кытта тэҥнээтэххэ, 30,9 тыһыынча туоннанан элбэх.
Уматык туттуллар миэстэтигэр диэри 504 тыһыынча туонна чох, 19 тыһыынча туонна газоконденсат уонна 30,9 тыһыынча туонна ньиэп тириэрдилиннэ. Ол туһунан тэрилтэ пресс-сулууспата суруйда.
Тиэйиигэ-таһыыга 90-тан тахса тырааныспар тэрилтэтэ кытынна, 950-тан тахса техника үлэлээтэ.
Дьабарыкы Хайаттан чоҕу таһыы саҥа схемата үлэлээтэ, Тополиное сэлиэнньэнэн сырытта. Быһаарыы Дьааҥы оройуонун уматыгынан хааччыйда, эбии харчы ороскуотун таһаарбата.
This post was published on 30.04.2025 18:02 18:02