Саха сиригэр тыа хаһаайыстыбатын оҥорон таһаарыытын өйөөһүҥҥэ муниципальнай оройуоннар боломуочуйаларын кэҥэтии саҥа механизмнарын дьүүллэһии ыытыллар. Аграрийдары уонна олохтоох былаас бэрэстэбиитэллэрин кытта көрсүһүүлэр өрөспүүбүлүкэ улуустарын бөлөхтөрүнэн тэрилиннилэр, — диэн тыа хаһаайыстыбатын уонна ас-үөл бэлиитикэтин миниистирэ Артем Александров «Актуальное интервью» биэрии быһа эфиригэр иһитиннэрдэ.
Боломуочуйалары муниципалитеттарга биэрии бастакы түһүмэҕэ хайыы-үйэ үчүгэй түмүктэри көрдөрдө. 2025 сыллаахха кыра кыамталаах эбийиэктэри тутууга тириэрдиллибит үп чэрчитинэн 109 саҥа эбийиэги тэрийиигэ үлэ ыытылынна. Итинтэн 49-һа ааспыт сылга киллэриллибитэ, өссө 60 эбийиэк бу сылга баар буолуоҕа.
«Бу хайысха ордук көҕүлүүр уонна сүөһү харыстабылыгар, ону тэҥэ муниципальнай тэриллиилэргэ кооперация сайдыытыгар сабыдыаллаах буолуоҕа. Быйыл биһиэхэ муниципальнай оройуоннар боломуочуйаларын кэҥэтии иккис түһүмэҕэ былааннанар. Ааспыт нэдиэлэҕэ Нам улууһугар саҥа механизмнары дьүүллэһии ыытылынна. 9 оройуон уонна Дьокуускай куорат бэрэстэбиитэллэрэ мустубуттара. Кулун тутар 19 күнүгэр стратегическай сессияны ыытарга оройуоннар Бүлүүтээҕи зоналарыгар тахсабыт. Түмүк дьүүллэһии Мэҥэ Хаҥалас оройуонугар буолуоҕа»,– диэн миниистир кэпсээтэ.
Александров этэринэн, бүгүн сүрүн боппуруоһунан үүтү бэлэмнээһиҥҥэ, ынах сүөһүнү, табаны, о. д. а. субсидия үбүн кэмигэр тиэрдии буолар.
Салгыытын манна аах.
