Онко ыарыыны эрдэттэн билэргэ Дьокуускайдааҕы өрөспүүбүлүкэ онко диспансера онкодесаннары тэрийэр. Ол курдук, Саха сирин онкологтара Алдан оройуонугар от ыйыгар тахсалларын былааннаатылар, суруйар «Саха» НКИХ.
Бөлөх састаабыгар онкогинеколог, онкохирург, маммолог, эндоскопист, УЗИ бырааһа киирдилэр.
«Түөрт сыл устата онкологтар биригээдэлэрэ оройуоҥҥа 50 сырыыны оҥордо. Быраастар 10 тыһыынчаттан тахса киһини көрдүлэр. Онко ыарыыга уорбаламмыттары улуус киин балыыһаларыгар уонна онкодиспансерга көрдөрө ыыталлар. Бу үлэ кэлин да салҕаныа. Эрдэттэн онко ыарыыны билии — бу дойду бэрэсидьиэнэ Владимир Путин көҕүлээбит «Доруобуйа харыстабыла» национальнай бырайыак иитинэн «Онко ыарыыны утары охсуһуу» өрөспүүбүлүкэтээҕи бырайыак сүрүн сыала-соруга», — диэн доруобуйа харыстабылын миниистирэ Лена Афанасьева эттэ.
This post was published on 18.06.2024 14:01 14:01