2026 сыллаахха Саха сирин олохтоохторун эминэн-томунан хааччыйыыга үбүлээһин 1,96 млрд солк.улаатан, 3,83 млрд солк. тэҥнэстэ. Бу туһунан кулун тутар 12 күнүгэр өрөспүүбүлүкэ бырабыыталыстыбатын түмүк отчуотугар эрэгийиэн доруобуйа харыстабылын миниистирэ Лена Афанасьева иһитиннэрдэ.
«Үбүлээһини улаатыннарыы эминэн хааччыллыы балаһыанньатын тупсарыаҕа. Үбү көдьүүстээхтик туһанарга эмтэри атыылаһыыны кииннээбиппит. Бүгүн кинилэр аптекаларга боломуочуйалаах фармацевтическай тэрилтэ нөҥүө киирэллэр», — диэн миниистир чуолкайдаата.
Саха сиригэр 112 нүөмэрдээх итии линия үлэлиир, онно гражданнар эминэн хааччыллыыны кытта сибээстээх ыйытыылары биэриэхтэрин сөп. Былырыын линия үлэҕэ киириэҕиттэн 3 тыһыынчаттан тахса этии оҥоһулунна.
This post was published on 13.03.2026 11:01 11:01