Саха сиригэр «Олорор дьиэ уонна куорат эйгэтэ» нацбырайыагынан тэриллибит түөрт уопсастыбаннай миэстэни быһаараллар. Испииһэги регионнааҕы ЦУР дьон социальнай ситимҥэ этиитинэн быһаарда, суруйар СИА.
Соцситимнэргэ Саха сирин олохтоохторун быһаарыытынан, бастыҥ уопсастыбаннай миэстэлэр Бэрдьигэстээххэ, Ньурбаҕа, Бүлүүгэ уонна Жатайга бааллар.
«Саҥа эбийиэктэр ыччат уонна олохтоохтор сөбүлээн талаһар миэстэлэринэн буолаллар. Нацбырайыагынан куораттарга уонна тыа сиригэр чахчы аныгылыы тутуулаах сынньанар сирдэр баар буоллулар. Быйыл география кэҥээтэ. 13 куорат уонна сэлиэнньэ олохтооҕо онлайн нөҥүө бэйэлэрин оройуоннарыгар ханнык благоустройство эбийиэгэ баар буолуон баҕаралларын талыахтарын сөп», — диэтэ ЦУР салайааччыта Василий Десяткин.
Куоластааһын муус устар 26 — ыам ыйын 30 күннэригэр бу саайтка ыытыллар. Алдан, Ленскэй, Мииринэй, Нерюнгри, Ньурба, Өлүөхүмэ, Покровскай, Дьокуускай, Майа, Нам, Сунтар, Чурапчы, Айхал олохтоохторо кытталлар.
This post was published on 26.03.2021 18:01 18:01