30 Кулун тутар 30.03
  • -16°
  • $ 92,37
  • 99,53

Саха сирин олохтооҕо уолаттарын кэнниттэн СВО-ҕа волонтерунан үлэлии барыаҕа

14:01, 07 марта 2023
Текст:
Читайте нас на
Яндекс Новости
ЯДВ

Кулун тутар ортотугар Аҕа дойду буойуттарын дьиэ кэргэттэрин Кэмитиэтин регионнааҕы салаатын көхтөөх киһитэ, Саха сиринээҕи уопсастыбаннай палата чилиэнэ Марина Бахилина анал байыаннай дьаһал буола турар сиригэр волонтерунан үлэлии барар буолла. Ол туһунан ЯкутияDaily суруйда.

Элбэх оҕолоох ийэ, билигин уолаттара дойду көмүскэлигэр сылдьаллар, инники кирбиигэ асчытынан үлэлиэн баҕарарын өссө ааспыт сыл сэтинньитигэр Владимир Путины кытта көрсүһүүтүгэр эппитэ. Президент Саха сирин олохтооҕор махтаммыта, ити эрээри ийэлэри СВО-ҕа ыытар наадата суоҕун эппитэ.

— Ити эрээри мин эппиппин толорорбун сөбүлүүбүн, барыам, тирэх пууҥҥа үлэлиэм, буойуттарга гуманитарнай көмө, дойдуларыттан кэлбит баһыылкалары тириэрдиигэ үлэлиэм уонна, биллэн турар, минньигэс ас бэлэмниэм, наада буоллаҕына буойуттары эмтэнэр сирдэригэр тириэрдиэм, госпиталларга, — диэн кэпсээтэ Марина Бахилина.

Марина Бахилина икки уола анал байыаннай дьаһалга кыттар, ВДВ-га сулууспалыыллар. Биирдэрэ ааспыт сыл муус устарыгар «Эр хоһуун» уордьанынан наҕараадаламмыта.

Марина Бахилинаны кытта эксклюзивнай интервьюну «Якутия» хаһыат кулун тутар 9 күнүнээҕи нүөмэригэр ааҕаарыҥ.

Следите за самым важным и интересным в Telegram-канале и WhatsApp-группе ЯСИА