Аллайыаха уулууһун олохтоох балыыһатыгар көхсүтүгэр быһахтаммыт киһи киирбитин туһунан иһитиннэрии полицияҕа киирбит. Участковайдар быһаарбыттарынан эр киһини кини 43 саастаах кэргэнэ быһаҕынан охсубут, диэн өрөспүүбүлүкэ ИДьМ пресс-сулууспатыгар иһитиннэрдилэр.
Быһылаан буолбут күнүгэр кэргэнниилэр иккиэн арыгылаабыттара билиннэ. Икки ардыларыгар этиһии тахсан, дьахтар эрин биирдэ быһаҕынан көхсүгэ охсубут.
Ыар буруйдар үксэ бэйэ-бэйэлэрин чугастык билсэр дьон(уруулар, доҕоттор, ыаллыылар) итирдэр утахтары бииргэ испиттэрин кэнниттэн тахсаллар.
Ханнык баҕарар киһи итирик туруктаах сылдьан этиһиини була-тала сатыыр буолуон сөп: санаата түргэнник уларыйар, ону сатаан хонтуруоллаабат. Онон оннук турукка сылдьар дьону кытары мөккүспэт ордук.
This post was published on 12.04.2022 16:01 16:01