Ил Дархан Айсен Николаев өрөспүүбүлүкэ ойуурдарыгар ыксаллаах быһыы-майгы (ЧС) биллэриллэрин туһунан ыйаахха илии баттыыр. Ол туһунан кини социальнай ситимнэргэ суруйда.
«Ойуур баһаардарыгар регионнааҕы КЧС суһал мунньаҕы ыыттым.
Бэс ыйын 22 күнүгэр киэһэ 7 чаастааҕы туругунан, Саха сиригэр 64 ойуур уота баара бэлиэтэнэр, 49 тыһ гектар иэннээх сири хабар.
Өрөспүүбүлүкэтээҕи туһааннаах тэрилтэлэр баһаардарга күүстээх болҕомтону ууралларыгар сорудах биэрдим.
+35 кыраадыс итии уот улаатарыгар төрүөт буолуон сөп. Саха сирин ойуурдарыгар ЧС эрэһиимэ биллэриллэрин туһунан ыйаахха илии баттыаҕым», — диэн суруйда Айсен Николаев.
This post was published on 23.06.2021 13:01 13:01