РФ оборуонаҕа миниистирэ аармыйа генерала Сергей Шойгу Саха сириттэн майордар Игорь Юргинҥа уонна Николай Соболевка дойду үрдүкү судаарыстыбаннай наҕараадатын — Российскай Федерация Геройа «Кыһыл көмүс Сулус» мэтээллэрин туттарда. Ол туһунан Ил Дархан Айсен Николаев официальнай телеграм-ханаалыгар суруйда.
Игорь Юргин Алдан оройуонун Аллара Кураанах бөһүөлэгиттэн төрүттээх, Николай Соболев — Дьокуускайтан.
Иккиэн Эр хоһуун уордьаннарынан, «Хорсунун иһин» мэтээллэринэн, тус туттар сэрии сэбинэн наҕараадаламмыттара. «Билигин кинилэр Россия геройдара. Игорь уонна Николай наҕараадаларын туттахтарына дьиэлэригэр кэлиэхтэрэ диэн эрэнэбин. Биһиги кинилэри хайаан да көрсүөхпүт», — диэтэ Айсен Николаев.
This post was published on 29.03.2024 12:31 12:31