«Инникигэ суолгун арый» үөрэх лааҕыра бастакы сменаны түмүктүүр. Лааҕыр «Креасфера» Саха сирин инники көлүөнэлэр пааркаларын киинигэр ыытыллар. Кини сыала-соруга — 6-11 кылаас үөрэнээччилэрин ортолоругар үөрүйэхтэри уонна креативнай толкуйу сайыннарыы. Бу туһунан регион салалтатын пресс-сулууспата суруйар.
Лааҕырга тус быһаарыы ылынарга, сыал туруорунарга, былаан оҥосторго, кыаҕы сөпкө туһаныыга, үбү сатаан туттарга үөрэтэллэр.
Анна Гумницкая бу түһүмэх ураты суолталааҕын тоһоҕолоон бэлиэтиир: «Биһиги сүрүн приоритетпыт — хас биирдии оҕоҕо инники идэтин өйдөөн быһаарарга, салгыы үөрэтии стратегиятын сатаан тутарга уонна ыра санаа үрдүк үөрэҕэр киирэргэ эрдэттэн сөптөөх эксээмэннэри таларга көмөлөһүү. Ол гынан баран, профессиональнай хайысханы таһынан оҕолорго үйэ тухары туһалаах үөрүйэхтэри биэрэбит: бэйэтэ быһаарыныыны ылыныы, былаанныыр, өйү-санааны, болҕомтону сайыннарар дьоҕуру».
Атырдьах ыйын 18-29 күннэригэр буолар иккис сезоҥҥа сурутуу салҕанар.
«Инникигэ суолгун арый» үөрэх лааҕыра РФ президенэ Владимир Путин көҕүлээбит «Ыччат уонна оҕо» национальнай бырайыагын сыалын-соругун толорор.
This post was published on 15.08.2025 11:14 11:14