Балаҕан ыйын 5 күнүгэр Владивостокка Илиҥҥи экономическай форум — дойду биир улахан дьыалабыай уонна культурнай событиеларыттан биирдэстэрэ — саҕаланна. Саха сирин культурнай программата Саха АССР тэриллибитэ 100 сылыгар ананар.
Сценическэй былаһааккаларга Саха сирин норуоттарын ураты культурата чаҕылхайдык көстөр. Регион культураҕа ситиһиилэрин Саха сирин Опера уонна балет театрын артыыстара, Хотугу аҕыйах ахсааннаах норуоттар тыйаатырын, эстрада театрын артыыстара көрдөрүөхтэрэ. Ю. Е. Платонов аатынан эстрада театра, Саха сирин филармониятын хора, «Гулун» ансамбль, «БалАнс» балалайкаһыттар уонна «Айархаан» этно- бөлөх көрдөрөллөр.
Саха сирин павильонугар түөрт саха киинэтин көстүөҕэ: «Снайпер саха», «Надо мною солнце не садится», «Мой личный дракон» уонна «Царь-птица», ону тэҥэ саха национальнай таҥаһын көрдөрүөхтэрэ.
Илин экономическай форум чэрчитинэн саха киинэтин күннэрэ ыытыллыаҕа. Манна «Холодное Золото», «Джулур: мас-рестлинг», «Дикий Челлендж», «Вертолёт» уонна «Бугун-Былыр» киинэлэр көстүөхтэрэ. Киинэ автордарын кытта дьүүллэһиилэр ыытыллыахтара.
Максим Горькай аатынан Приморскай академическай театр сценатыгар «Северное сияние» Саха сирин искусствотын маастардарын гала- концера буолуоҕа. Концерка кытталлар: Symphonica ARTica симфоническай оркестр, «БалАнс» ансамбль, солисты Опера уонна балет театр, «Гулун» ансамбль, Олоҥхо театрын фольклорнай бөлөҕө.
Сиһилии https://ysia.ru/samobytnuyu-kulturu-narodov-yakutii-predstavyat-na-vostochnom-ekonomicheskom-forume/
