Саха сирин норуоттарын IX спортивнай оонньуулара 2027 сылга Ньурба улууһугар ыытыллар. Бырагыраама бырайыагар спорт 18 көрүҥэ киирдэ.
Докумуон спорт федерацияларыгар сөбүлэһиигэ ыытылынна, суруйар регион салалтатын пресс-сулууспата.
Ил Дархан Айсен Николаев дьаһалынан Оонньуулар 2027 сыл от ыйын 7 — 11 күннэригэр Ньурбаҕа ыытыллыахтара. Ол иннинээҕи квалификация киирсиилэрэ 2026 — 2027 сылга барыахтара. Финалга, барыллаан суоттааһынынан, 6,3 тыһ киһи кыттара күүтүллэр. Манна анаан спортивнай уонна социальнай эбийиэктэри тутуохтара, өрөмүөннүөхтэрэ, айан суолларын, территориялары тупсарыахтара.
This post was published on 07.12.2023 13:01 13:01