«Нэдиэлэ саҕаланыыта СВО кыттыылаахтарын дьиэ кэргэттэрин кытта аҕыс консультация ыытылынна, икки киһи докумуона туттарылынна», — диэтэ Громова. Кини эппитинэн, улуустартан интэриэс баар, кинилэри кытта дистанционнай киэбинэн үлэ барар.
Архыыпка СВО-ны кытта сибээстээх докумуоннар тутуллаллар, кэлэр көлүөнэҕэ анаан, саха буойуннарын ааттарын уонна хорсун быһыыларын үйэтитэр сыалтан. Дааннайдар анал байыаннай дьайыы кыттыылаахтарыттан бэйэлэриттэн уонна кинилэр дьиэ кэргэттэриттэн, уопсастыбаннай тэрээһиннэртэн уонна волонтердартан ылыллаллар. Архыыпка быһаарбыттарынан, официальнай уонна тус докумуоннар, күннүктэр, сурунар тэтэрээттэр, мемуардар, ахтыылар, хоһооннор, уруһуйдар, суруктар уонна хаартыскалар ылыллаллар.
Докумуоннары босхо туталлар.
Тэрилтэлэр эмиэ кыттыһаллар. Бастакынан Саха сирин саллааттарын уонна мотуруостарын төрөппүттэрин кэмитиэтэ докумуоннары аҕалла.
