17 От ыйа 17.07
  • 18°
  • $ 88,28
  • 96,26

Саха сирин мас тардыһааччылара Арассыыйаҕа бастыыр иһин күрэхтэһиигэ кытталлар

16:32, 18 октября 2016
Текст:
Читайте нас на
Яндекс Новости
ЯДВ

Саха сирин мас тардыһааччылара Калуга куоракка ыытыллар Арассыыйаҕа бастыыр иһин күрэхтэһиигэ 22 путевканы ыллылар.


Алтынньы 15-16 күннэригэр «Модун» спорт комплексыгар 11 ыйааһыҥҥа 100-тэн тахса спортсмен кытынна.

«Уопсайа 105 спортсмен кытынна. Арассыыйаҕа бастыыр иһин күрэхтэһиигэ путевка оонньонно. Саха сирин сүүмэрдэммит хамаандатын салайааччытынан Иван Сивцев буолуо», — диэн СИА-ҕа норуоттар икки ардыларынааҕы категориялаах судьуйа Егор Ермолаев эттэ.

Үс ыйааһыҥҥа саамай элбэх мадьыны кытынна. Кыайыылаахтарынан буоллулар: Европа чөмпүйүөнэ Евгений Удин (60 кг) уонна Семен Атаков (80 кг), Уһук Илин чөмпүйүөнэ Александр Рахлеев (70 кг), Олоҥхо ыһыаҕар бириистээх миэстэҕэ тиксибит Иннокентий Миронов (90 кг диэри), Дыгын оонньууларын кыттыылааҕа Дьулустан Охлопков (105 кг диэри), Саха сирин чөмпүйэнээтигэр бириистээх миэстэҕэ тиксибит Дьулустан Андреев (105 кг үөһэ) уонна да атыттар.

Уолаттар:

60 кг диэри ыйааһыҥҥа:

1 миэстэ — Евгений Удин (ХИФУ);

2 миэстэ — Айтал Слепцов (ХИФУ);

3 миэстэ — Сергей Слепцов (Модун);

70 кг диэри ыйааһыҥҥа:

1 миэстэ — Александр Рахлеев (Модун);

2 миэстэ — Борис Сдвижков (ХИФУ);

3 миэстэ — Иван Болтунов (Модун);

80 кг диэри ыйааһыҥҥа:

1 миэстэ — Семен Атаков (Томпо);

2 миэстэ — Василий Ноговицын (ХИФУ);

3 миэстэ — Айсен Иванов (ХИФУ);

90 кг диэри ыйааһыҥҥа:

1 миэстэ — Иннокентий Миронов (ХИФУ);

2 миэстэ — Борис Степанов (Боотур);

3 миэстэ — Сергей Чемезов (ХИФУ);

105 кг диэри ыйааһыҥҥа:

1 миэстэ — Дьулустан Охлопков;

105 кг ыйааһынтан үөһэ:

1 миэстэ — Дьулустан Андреев (Ньурба);

2 миэстэ — Богдан Прокопьев (Модун);

3 миэстэ — Айсен Осипов (Амма);

Кыргыттар:

50 кг диэри ыйааһыҥҥа:

1 миэстэ — Татьяна Николаева (Үөһээ Бүлүү);

60 кг диэри:

1 миэстэ — Намыына Константинова (Модун);

2 миэстэ — Татьяна Слепцова (Чурапчытааҕы физкультура уонна спорт института);

3 миэстэ — Людмила Слободчикова (ХИФУ);

70 кг диэри:

1 миэстэ — Саина Филатова (ХИФУ);

2 миэстэ — Ассоль Сидорова (Бүлүү).

Следите за самым важным и интересным в Telegram-канале и WhatsApp-группе ЯСИА