«Эрдэ ордук болҕомто киин куоракка ууруллара, билигин кыра куораттар нацбырайыак былааныгар киирдилэр. <…> 2030 сыл бүтүүтэ бу куораттар суолларын 85% нуормаҕа тириэрдиэхтээхпит. Билигин бу үлэ муниципальнай тэриллиилэри уонна тустаах министиэристибэлэри кытта сыаллаахтык ыытыллар», — диэтэ Дмитрий Садовников «Якутия 24» уонна «Саха» НКИХ ханаалларынан бырабыыталыстыба отчуотун кэмигэр.
Бастакы вице-премьер ааспыт сылга «Амма» регион суолугар аспаал ууруута саҕаламмытын иһитиннэрдэ.
«Инфраструктура для жизни» нацбырайыагынан 2025 сылга Саха сиригэр 14 млрд солк кэриҥэ үбүлээһин көрүллүбүтэ, ол иһигэр федеральнай бюджеттан – 5 млрд 122 мөл солк, регион бюджетыттан – 4 млрд 900 мөл солк, өрөспүүбүлүкэтээҕи суол пуондатытан – 3 млрд 840,1 мөл солк.
This post was published on 07.03.2025 16:03 16:03