Олоҕу-дьаһаҕы хааччыйар таһаҕаһы 329,4 тыһыынча туонна кэриҥэ, эбэтэр былааннаммыт кээмэйтэн 53,7% — на Саха сирин кыһыҥҥы суолларынан тиэрдилиннэ. Маннык дааннайдар өрөспүүбүлүкэ гражданскай оборона дьыалаларыгар уонна нэһилиэнньэ олоҕун-дьаһаҕын куттала суох буолуутун хааччыйыыга миниистир солбуйааччы Никита Павлов ыыппыт кыһыҥҥы таһаҕаһы тиэйии боппуруостарыгар оперативнай бөлөҕүн мунньаҕар этилиннэ.
Мунньах кыттыылаахтара кыһыҥҥы суоллар сезоннара түмүктэнэр кэмигэр таһыы куттала суох буолуутун хааччыйыы боппуруостарыгар ураты болҕомтолорун уурдулар. Сылаас кэм чугаһаабытынан уонна сезоннай суоллар туруктара уларыйбытынан сибээстээн Никита Павлов кыһыҥҥы суолларга тырааныспар олохтоммут таһаҕастарын тутуһууга хонтуруолу күүһүрдэргэ сорудахтаата.
Ону сэргэ, сезонунан суолу-ииһи түһүмэхтээхтик сабыы былааннанар болдьохторун тиэйээччилэргэ кэмигэр иһитиннэриини хааччыйар сорук туруорулунна. Ити тиэйиини тэрээһиннээхтик түмүктүүргэ уонна тиэхиньикэ бастайааннай базаланар сирдэригэр кэмигэр төннүүтүн хааччыйарга көмөлөһүөҕэ.
This post was published on 19.03.2026 18:09 18:09