14 маскировочнай ситими, собо, эт кэнсиэрбэтин, сылаас таҥас уонна харысхаллары фроҥҥа «Харысхал» Аҕа дойду буойуннарын дьиэ кэргэттэрин кэмитиэтин (КСВО) Сунтаар улууһун көхтөөх дьоно бу күннэргэ ыытта. Ол туһунан кэмитиэт Саха сиринээҕи салаатын бэрэссэдээтэлин солбуйааччыта Саргылана Неустроева эттэ.
«Уочараттаах гуманитарнай таһаҕаһы, ол иһигэр аадырыстаах баһыылкалары, байыастарга Сунтаар улууһун делегацията тиксэрдэ, салайааччылара улуус баһылыга Анатолий Григорьев. Кини эппитинэн, байыаннайдар Саха сирэ төһө да ырааҕын иһин, маннык өйөбүллэр инникини кирбиигэ сылдьалларыгар олус көмөлөһөр. Тапталы, харыстабылы, арчылааһыны уонна биир дойдулаахтарын өйөбүллэрин дурда-хахха оҥостоллор», – диэтэ спикер.
Кэмитиэт Россияҕа 2022 сыл ахсынньытыгар тэриллибитэ. Саха сиригэр, Ил Дархан Айсен Николаев өйөбүлүнэн, 2023 сыл тохсунньутугар үлэтин саҕалаабыта.
This post was published on 10.04.2025 17:03 17:03