Дьокуускайга «Создано на Дальнем Востоке: от творчества к экономике» креативнай индустрия пуорума буола турар, араас эйгэттэн атын регион бэрэстэбиитэллэрэ муһуннулар.
«Бырайыактары көрүү уонна сыаналааһын буола турар. Былааны биир көрүҥҥэ аҕалар, Уһук Илин уонна Арктика сайдыытыгар министиэристибэҕэ презентациялыыр, креативнай индустрияны сайыннарыы сыалларыгар сөп түбэһэрин тургутуу — бу улахан событие», — диэтэ Барсенков. Кини Дьокуускайга эксперт быһыытынан пуорумҥа үлэлиир.
Кини бэлиэтээбитинэн, бырайыактарга үбүлээһинэ саамай сүрүн боппуруос. Сакаасчыттар бары талыахтарын, сөбүлүөхтэрин наада. Креативнай кластердар регион олохтоохторун интэриэһигэр эппиэттиэхтээхтэр. Бырайыак көмүскэниллибитин кэннэ Уһук Илин атын куораттарыгар арыллыахтаахтар уонна үлэлиэхтээхтэр.
«Биһиги уопуттан үллэстиэхпит уонна тутулу кэпсиэхпит. Уон бырайыагы күүтэбит — хас биирдии регионтан биирдиини. Саха сиригэр креативнай кластер ситиһиилээхтик үлэлии турар. Бу судаарыстыба уонна регион бырабыыталыстыбата креативнай предпринимателлэри кытта ситиһиилээхтик бородууктаны оҥорон таһаарыыларын биир холобура буолар. Хаһыс да сыллара. Кластер баар, сайдар, саҥа резиденнэр кэлэллэр. Кинилэр уопуттарын атын региоҥҥа хатылааһын эрэ буолбакка, толкуйдаан, салгыы үлэҕэ учуоттуур наадалаах», — диэтэ Дмитрий Барсенков.
