Күрэхтэһии Дьокуускайга «Триумф» спорткомплекска олунньу 28 — кулун тутар 2 күннэригэр буолла. 115 спортсмен алта регион хамаандатыттан кытынна: Саха сирэ, Бурятия, Камчатскай уонна Приморскай кыраайдар, Амур уонна Сахалин уобаластара. Финалистар Россия чемпионатыгар кыттар быраабы ыллылар, күһүн Каспийскайга буолуоҕа, маны сэргэ Казаньҥа уолаттарга дойдуга бастыыр иһин киирсии кэтэһэр.
Уһук Илиҥҥэ улахан дьоҥҥо чемпионнаатылар Спиридон Антонов (51 кг), Станислав Румянцев (57 кг), Тимофей Сивцев (60 кг), Вадим Колтовской (63,5 кг), Гэсэр Гатыпов (75 кг), Надежда Павлова (48 кг), Инна Туприна (52 кг), Дайаана Дьячковская (56 кг), Анастасия Вероника (70+ кг).
Үрүҥ көмүһү аҕаллылар Никита Ковлеков (57 кг), Сергей Иванов (63,5 кг), Габриэл Афанасьев (67 кг), Михаил Иванов (75 кг), Ангелина Сучкова (48 кг), Юлия Козицкая (56 кг).
Боруонсаны ыллылар Тихон Янков (57 кг), Мичил Юшков (63,5 кг), Дмитрий Иванов (63,5 кг), Виталий Ильинов (67 кг), Дьулустан Гаврильев (75 кг), Валентин Шелепанов (75 кг), Дмитрий Миссеев (81 кг), Аэлита Атласова (48 кг).
17-18 саастаахтарга кыһыл көмүс мэтээли иилиннилэр Машади Гусейнов (57 кг), Алексей Алексеев (67 кг), Николай Слепцов (71 кг), Константин Калашников (81 кг), Влада Охлопкова (56 кг).
