Бүгүн, от ыйын 29 күнүгэр, Өлөөн, Мииринэй, Ленскэй, Өлүөхүмэ, Алдан, Нерюнгри оройуоннарыгар көннөрү эбэтэр этиҥнээх ардах түһэрэ күүтүллэр. Этиҥ кэмигэр тыал сөкүүндэҕэ 15-18 миэтэрэҕэ тиийиэҕэ.
Субуотаҕа быстах ардах уонна этиҥнээх ардах хоту уонна хотугулуу-илиҥҥи оройуоннарга түһүөҕэ, өрөбүлгэ сорох сиринэн быстах ардахтыа.
Киин оройуоннарга салгын температурата от ыйын 30 күнүгэр +30 °С, хоту, хотугулуу- илин +20 °с, муора кытылыгар +11 °+16 ° с буолуоҕа.
Дьокуускайга салгын бүгүн +33, +35 °С кыраадыска диэри сылыйыаҕа, сөҥүү түһэрэ күүтүллүбэт.