Сарсын, алтынньы 17 күнүгэр, Саха сирин кэккэ оройуоннарыгар күүстээх тыал түһүөҕэ. Бу туһунан Cаха сиринээҕи күнү-дьылы кэтээн көрөр сулууспа иһитиннэрэр.
Ол курдук тыал Анаабыр, Булуҥ, Кэбээйи уонна Эдьигээн оройуоннарыгар түһүөҕэ. Тыал сөкүүндэҕэ 15-20 миэтирэ түргэннээх буолуоҕа.
Итиэннэ Бүлүүгэ уонна Эдьигээҥҥэ сорох сиринэн хаардыаҕа, Ленскэйгэ ардах кэлиэҕэ.
Дьокуускайга быстах хаардаах, соҕуруулуу-илинтэн сөкүүндэҕэ 4-9 миэтирэ түргэннээх тыал үрүөҕэ. Салгын температурата түүнүн -9-10°С буолуоҕа, оттон күнүһүн 0, -2°С.
Саха сирэ
This post was published on 16.10.2023 16:02 16:02