Бүгүн, сэтинньи 17 күнүгэр, Эдьигээҥҥэ уонна Кэбээйигэ сөкүүндэҕэ 20 миэтэрэҕэ диэри түргэннээх тыалырара күүтүллэр. Синоптиктар мөлтөх тибиини сылыктыыллар. Манна салгын сарсыардааҥы температурата -31 — 32 ℃ буолла, диэн СИА Саха УГМС саайтыгар сигэнэн иһитиннэрдэ.
Өрөспүүбүлүкэ соҕуруулуу-арҕаа өттүгэр Халымаҕа, Өймөкөөҥҥө, хоту, хотугулуу-арҕаа, күнүһүн соҕуруу уонна Аллараа Өлүөнэ тардыытыгар кыралаан хаардыаҕа. Регион киин өттүгэр тымныы туманнар туруохтара.
Аммаҕа, Ытык-Күөлгэ, Сылаас Күлүүскэ уонна Охотоскай муора кытылыгар сэтинньи 17 күнүгэр сарсыарда эрдэ салгын температурата -45 кыраадыска диэри түстэ. Киин оройуоннарга салгын температурата -40 -45 кыраадыс, күнүһүн -31 -36℃. Арҕаа, соҕуруулуу уонна Халымаҕа -22 … -27 ℃, күнүһүн.
Өрөспүүбүлүкэ киин куоратыгар күн бүгүн -31-34 кыраадыс,сөкүүндэҕэ үс миэтэрэҕэ тиийэр тыаллаах, сорох сиринэн кыралаан хаардыаҕа.