1 Олунньу 01.02
  • -42°
  • $ 70,52
  • 76,3

Саха сирин икки эдэр тустууга Бурятиятааҕы Россия турнирын кыһыл көмүс мэтээлин иилиннэ

11:31, 14 ноября 2022
Текст:
Читайте нас на
Яндекс Новости
ЯДВ

Саха сирин эдэр тустууктара Эрхан Куличкин уонна Владимир Басов Бурятияҕа буолбут Сергей Замбалов аатынан көҥүл тустууга Россиятааҕы турнир кыайыылаахтарынан буоллулар.

Өссө биэс тустуук үрүҥ уонна боруонса мэтээли иилиннилэр, суруйар СИА.

16-гар диэри саастаах эдэр бөҕөстөр Россиятааҕы турнирдара Бурятияҕа сэтинньи 11 — 12 күннэригэр ыытылынна. Эрхан Куличкин 41 кг диэри кыһыл көмүһү ылла. Бэлиэтээн эттэххэ, финал сахалар көрсүһүүлэринэн түмүктэннэ, Эрхаҥҥа утары биир дойдулааҕа Эльдар Аввакумов таҕыста, үһүс миэстэҕэ Бурятия уонна Забайкальскай кыраай бэрэстэбиитэллэрэ буоллулар.

Өссө биир кыһыл көмүс Владимир Басовка тигистэ, 85 кг диэри. Киниэхэ утары турнир хаһаайына Тумэн Чимитдоржиев киирдэ уонна хоттордо.

Маны сэргэ үрүҥ көмүһү Саха сириттэн Ариан Винокуров (38 кг), Айаал Сергеев (62 кг), боруонсаны Эрчим Жирков (44 кг), Күндүл Местников (48 кг).

Хаартыска: Бурятия спортивнай тустууга федерацията

Следите за самым важным и интересным в Telegram-канале и WhatsApp-группе ЯСИА
0
0
Тутаах тыллар