«Якутскэнерго» хамаандата Сочига түүҥҥү хоккей лигатын бэстибээлин боруонса призера буолла. Кинилэр 50-тан аҕа саастаахтар дивизионнарыгар дьоҕус кубокка оонньоотулар, диэн СИА иһитиннэрэр.
Константин Фаткулов салайааччылаах хамаанда биэс түһүмэххэ оонньоото, түөрт түһүмэҕи кыайда. Хоккеистар финалга тахсар иһин киирсиигэ Владимир куораттан сылдьар хамаандаҕа 5:6 ахсаанынан хоттордулар.
Үһүс миэстэни былдьаһыыга сахалар Брянскайтан «Партизан» хамаанда утары оонньоотулар уонна 4:0 ахсаанынан кыайаннар бэстибээл түүҥҥү хоккей лигатын боруонса мэтээлин ыллылар. Бу дивизиоҥҥа барыта 20 хамаанда кытынна.
This post was published on 10.05.2023 14:05 14:05