Саха сирин хаһаайыстыбаларыгар 15 тыһыынчаттан тахса ньирэй төрөөтө

Хаартыска: ЯСИА саайта

Өрөспүүбүлүкэ хаһаайыстыбаларыгар баар ынах 23% төрөөтө. Ол туһунан тыа хаһаайыстыбатын миниистирин солбуйааччыта Николай Афанасьев эттэ.

«15 тыһыынчаттан тахса ньирэй төрөөтө. Билигин Саха сирин үрдүнэн 167 тыһыынчаттан тахса сүөһү баара бэлиэтэнэр. Кыстыгы этэҥҥэ туораан эрэбит. Өссө 55 күн хаалла. Сүөһү аһыыр аһа баар», – диэтэ салайааччы.

Кини эппитинэн, билигин өрөспүүбүлүкэҕэ саппааска 157 тыһ туонна от, 2,7 тыһ туонна сиилэс, 2,7 тыһ туонна сенаж баар. Онон ыам ыйын 22 күнүгэр кыстыгы сабар сүөһү аһа баар.

This post was published on 03.04.2025 11:01 11:01