Саха сиригэр тыа хаһаайыстыбатынан дьарыктанааччылар ыһыыга бэлэмнэнэллэр. Бу сылга 51 тыһ гектар ыһар былааннаахтар. Сааскы сир үлэтэ техниканы бэлэмнээһинтэн саҕаланар.
Былаан быһыытынан 531 араас мааркалаах тыраахтыр, 170 сеялка, 187 культиватор, 265 булуук бэлэмнэннэ, тустаах министиэристибэ пресс-сулууспата суруйда.
Билиҥҥи туругунан, 954 туонна туорахтаах култуура сиэмэтин аҕаларга дуогабар түһэрсилиннэ, ол иһигэр кэллэ — 815, айаннаан иһэр — 94. Элбэх сыллаах от 35 туонна сиэмэ кэллэ. Хортуоппуй сиэмэтэ 505 туонна аҕылылынна, 172 туонна айаннаан иһэр.
This post was published on 20.05.2025 17:26 17:26